ದೇಶದ ಅತ್ಯಂತ ಜನಪ್ರಿಯ ಮತ್ತು ಪ್ರಭಾವಿ ಆಂಕರ್ ಗಳಲ್ಲಿ ಒಬ್ಬರಾದ ಹಿರಿಯ ಪತ್ರಕರ್ತ ವಿನೋದ್ ದುವಾ ಅವರು ಶನಿವಾರ ನಿಧನರಾದರು. ಅವರಿಗೆ 67 ವರ್ಷ ವಯಸ್ಸಾಗಿತ್ತು.
ದುವಾ ಆಂಕರ್ ಆಗಿ ಸರ್ಕಾರಗಳ ಲೋಪದೋಷಗಳನ್ನು ಸಮರ್ಥವಾಗಿ ಪ್ರಶ್ನಿಸುತ್ತಿದ್ದರು. ಇತ್ತೀಚೆಗೆ ಬಿಜೆಪಿ ಸರ್ಕಾರವನ್ನು ಟೀಕಿಸಿದ್ದಕ್ಕಾಗಿ ದುವಾ ಅವರ ವಿರುದ್ಧ ಪೊಲೀಸರನ್ನು ಬಳಿಸಿ ಆಳುವ ಸರ್ಕಾರ ಬೆದರಿಕೆ ಹಾಕಿತ್ತು.
ದುವಾ ಈ ವರ್ಷದ ಆರಂಭದಲ್ಲಿ ಕೊವಿಡ್ ಸೋಂಕಿನಿಂದ ಆಸ್ಪತ್ರೆಗೆ ದಾಖಲಾಗಿದ್ದರು ಮತ್ತು ಆ ಸಮಯದಲ್ಲಿ ಅವರನ್ನು ತೀವ್ರ ನಿಗಾ ಘಟಕದಲ್ಲಿ ಇಡಲಾಗಿತ್ತು. ನಂತರ ಅವರು ಅನಾರೋಗ್ಯ ಕಾರಣಕ್ಕಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಇಂದು ಸಂಜೆ 5 ಗಂಟೆಗೆ ಹಾಸ್ಯನಟಿ ಮಲ್ಲಿಕಾ ದುವಾ ತಂದೆಯ ಸಾವನ್ನು ದೃಢಪಡಿಸಿದ್ದಾರೆ.
ಸುದ್ದಿ ನಿರೂಪಕ ಮತ್ತು ದೂರದರ್ಶನ ನಿರೂಪಕರಾಗಿ ಸುದೀರ್ಘ ಕಾಲ ಸೇವೆ ಸಲ್ಲಿಸಿದರು. ವೈವಿಧ್ಯಮಯ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟರು. ತಮ್ಮ ವೃತ್ತಿ ಜೀವನದಲ್ಲಿ ಎನ್.ಡಿ.ಟಿವ ಸೇರಿದಂತೆ ಹಲವಾರು ಸುದ್ಧಿ ಸಂಸ್ಥೆಗಳಲ್ಲಿ ಕೆಲಸ ಮಾಢಿದರು. 2016 ರಿಂದ 2018 ರವೆರೆಗೆ ದಿ ವೈರ್ ನಲ್ಲಿ ಸಂಪಾದಕರಾಗಿ ಸೇವೆ ಸಲ್ಲಿಸಿದ್ದಾರೆ.
2018ರಲ್ಲಿ ಮೀಟೂ ಆಂದೋಲನದ ಸಂದರ್ಭದಲ್ಲಿ ದುವಾ ಅವರು 1989ರಲ್ಲಿ ನಡೆದ ಘಟನೆಗೆ ಸಂಬಂಧಿಸಿದಂತೆ ಚಲನಚಿತ್ರ ನಿರ್ಮಾಪಕಿ ನಿಷ್ಠಾ ಜೈನ್ ಅವರಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪಕ್ಕೆ ಗುರಿಯಾಗಿದ್ದರು. ಆರೋಪವನ್ನು ನಿರಾಕರಿಸಿದರೂ ಕೊನೆಗೆ ಒಪ್ಪಿಕೊಂಡರು ಎಂದು ದಿ ವೈರ್ ವರದಿ ಮಾಡಿದೆ.
