ಏಕರೂಪದ ಶೈಲಿಯ ಬಟ್ಟೆಗಳನ್ನು ಕಡ್ಡಾಯವಾಗಿ ಧರಿಸಬೇಕು ಎಂಬುದು ಕರ್ನಾಟಕ ಶಿಕ್ಷಣ ಕಾಯ್ದೆ 1983, 133(2)ರಲ್ಲಿ ಆದೇಶದಲ್ಲಿ ಹೇಳಿದೆ. ಅಷ್ಟೇ ಅಲ್ಲ ಖಾಸಗಿ ಶಾಲಾ ಆಡಳಿತ ಮಂಡಳಿಯು ತಮ್ಮ ಇಚ್ಛೆಯ ಸಮವಸ್ತ್ರವನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಿದೆ ಎಂದು ಇಂಡಿಯನ್ ಎಕ್ಸ್ ಪ್ರೆಸ್ ವರದಿ ಮಾಡಿದೆ.
ಆಡಳಿತ ಸಮಿತಿಯು ಸಮವಸ್ತ್ರವನ್ನು ಆಯ್ಕೆ ಮಾಡದಿದ್ದರೆ, ಸಮಾನತೆ, ಸಮಗ್ರತೆ ಮತ್ತು ಸಾರ್ವಜನಿಕ ಕಾನೂನು ಮತ್ತು ಸುವ್ಯವಸ್ಥೆಗೆ ಧಕ್ಕೆ ತರುವ ಬಟ್ಟೆಗಳನ್ನು ಧರಿಸಬಾರದು ಎಂದು ಆದೇಶದಲ್ಲಿ ತಿಳಿಸಿದೆ.
ಕಾಯಿದೆಯ ಸೆಕ್ಷನ್ 133(2)ರಡಿ ರಾಜ್ಯಕ್ಕೆ ತನ್ನ ನಿಯಂತ್ರಣದಲ್ಲಿರುವ ಅಧಿಕಾರಿಗಳು ಅಂತಹ ನಿರ್ದೇಶಗಳನ್ನು ನೀಡುವ ಅಧಿಕಾರವನ್ನು ನೀಡುತ್ತದೆ. ಅದರ ಅಭಿಪ್ರಾಯದಲ್ಲಿ ಈ ಕಾಯ್ದೆಯ ಉದ್ದೇಶಗಳನ್ನು ಪೂರೈಸಲು ಅವಶ್ಯಕವಾಗಿದೆ ಮತ್ತು ಕರ್ತವ್ಯವಾಗಿದೆ.
ಕಾಯ್ದೆಯ ಉದ್ದೇಶ ಶಿಕ್ಷಣ ಸಂಸ್ಥೆಗಳ ಯೋಜಿತ ಅಭಿವೃದ್ಧಿ, ಆರೋಗ್ಯಕರ ಶೈಕ್ಷಣಿಕ ಅಭ್ಯಾಸವನ್ನು ಅಳವಡಿಸುವುದು, ಶಿಕ್ಷಣ ಗುಣಮಟ್ಟದಲ್ಲಿ ನಿರ್ವಹಣೆ, ಸುಧಾರಣೆ, ಉತ್ತಮ ಸಂಘಟನೆಯ ಶಿಸ್ತು, ರಾಜ್ಯದಲ್ಲಿನ ಶಿಕ್ಷಣ ಸಂಸ್ಥೆಗಳ ಮೇಲೆ ನಿಯಂತ್ರಣವನ್ನು ಸಾಮರಸ್ಯವನ್ನು ಬೆಳೆಸುವ ದೃಷ್ಟಿಯಿಂದ ಒದಗಿಸುವುದು. ವಿದ್ಯಾರ್ಥಿಗಳ ಮಾನಸಿಕ ಮತ್ತು ದೈಹಿಕ ಸಾಮರ್ಥ್ಯಗಳ ಅಭಿವೃದ್ಧಿ ಮತ್ತು ಶಿಕ್ಷಣ ಮೂಲಕ ವೈಜ್ಞಾನಿಕ ಮತ್ತು ಜಾತ್ಯತೀತ ದೃಷ್ಟಿಕೋನವನ್ನು ಬೆಳೆಸುವುದು ಎಂದು ಇಂಡಿಯನ್ ಎಕ್ಸ್ ಪ್ರೆಸ್ ವರದಿ ತಿಳಿಸಿದೆ.
ಹೈಕೋರ್ಟ್ ಆದೇಶದಂತೆ 2017ರಲ್ಲಿ ಆಶಾ ರಂಜನ್ ಮತ್ತು ಇತರರ ವಿರುದ್ಧ ಬಿಹಾರ್ ರಾಜ್ಯ ಮತ್ತು ಇತರರಲ್ಲಿ ಸುಪ್ರೀಂಕೋರ್ಟ್ ನ ಆದೇಶವನ್ನು ಉಲ್ಲೇಖಿಸಿದೆ. ಇದು ವೈಯಕ್ತಿಕ ಹಕ್ಕುಗಳ ನಿರಾಕರಿಸುವ ಮೂಲಕ ಅಲ್ಲ. ಆದರೆ ಹಿತಾಸಕ್ತಿಯನ್ನು ಎತ್ತಿಹಿಡಿಯುವ ಮೂಲಕ ಸಂಸ್ಥೆಗಳ ನಡುವಿನ ಸಂಬಂಧವನ್ನು ಖಾತ್ರಿಪಡಿಸುವುದು ಆಗಿದೆ.
ತರಗತಿಯಲ್ಲಿ ಹಿಜಾಬ್ ಧರಿಸುವುದನ್ನು ನಿಷೇಧಿಸುವ ವಿವಾದವು ಆರಂಭದಲ್ಲಿ ಉಡುಪಿ ಮತ್ತು ಚಿಕ್ಕಮಗಳೂರಿಗೆ ಸೀಮಿತವಾಗಿತ್ತು ಆದರೆ ಈಗ ರಾಜ್ಯದ ಇತರ ಭಾಗಗಳಿಗೆ ವ್ಯಾಪಿಸಿದೆ. ತರಗತಿ ಪ್ರವೇಶಿಸುವಾಗ ಎಲ್ಲರೂ ಸಮವಸ್ತ್ರದಲ್ಲಿರಬೇಕು ಎಂದು ಸಚಿವ ಸುನೀಲ್ ಕುಮಾರ್ ಹೇಳಿದ್ದಾರೆ.
