Thursday, November 19, 2026
Google search engine
Homeಮುಖಪುಟಶೋಷಿತ ಸಮುದಾಯಗಳು ತಲೆಎತ್ತಿ ನಿಲ್ಲುವಂತೆ ಮಾಡಿದ್ದು ಇಂದಿರಾ ಗಾಂಧಿ

ಶೋಷಿತ ಸಮುದಾಯಗಳು ತಲೆಎತ್ತಿ ನಿಲ್ಲುವಂತೆ ಮಾಡಿದ್ದು ಇಂದಿರಾ ಗಾಂಧಿ

ಬ್ಯಾಂಕುಗಳ ರಾಷ್ಟೀಕರಣ, ಉಳುವವನೇ ಭೂಮಿಯ ಒಡೆಯ, ಜೀತಪದ್ದತಿ ನಿರ್ಮೂಲನೆಯಂತಹ ಕಾಯ್ದೆಗಳು ಭಾರತದಲ್ಲಿ ಶೋಷಿತ ಸಮುದಾಯಗಳು ಇತರರಂತೆ ತಲೆಎತ್ತಿ ನಿಲ್ಲಲು ಸಹಾಯಕವಾಗಿದ್ದು, ಇದಕ್ಕೆ ಕಾರಣರಾದ ಇಂದಿರಾಗಾಂಧಿ ಭಾರತೀಯರ ಮನಸ್ಸಿನಲ್ಲಿ ಚಿರಸ್ಥಾಯಿಯಾಗಿ ಇದ್ದಾರೆ ಎಂದು ತುಮಕೂರು ಜಿಲ್ಲಾ ಕಾಂಗ್ರೆಸ್‌ ಅಧ್ಯಕ್ಷ ಜಿ.ಚಂದ್ರಶೇಖರ್‌ಗೌಡ ತಿಳಿಸಿದ್ದಾರೆ.

ತುಮಕೂರು ನಗರದ ಜಿಲ್ಲಾ ಕಾಂಗ್ರೆಸ್ ಕಚೇರಿಯಲ್ಲಿ ಆಯೋಜಿದ್ದ ಭಾರತದ ಮೊದಲ ಮಹಿಳಾ ಪ್ರಧಾನಿ ಇಂದಿರಾ ಗಾಂಧಿ ಅವರ 109ನೇ ಜನ್ಮ ದಿನೋತ್ಸವ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ಇಂದಿರಾ ಜಾರಿಗೆ ತಂದ ಊರಿಗೊಂದು ರಸ್ತೆ, ಮಂಡಲಕ್ಕೊಂದು ಆಸ್ಪತ್ರೆ ಭಾರತದ ಅಭಿವೃದ್ದಿಯ ದಿಕ್ಕನ್ನೇ ಬದಲಿಸಿತು ಎಂದರು.

ಹೊರ ದೇಶದಲ್ಲಿ ಶಿಕ್ಷಣ ಪಡೆದು, ಅಲ್ಲಿನಂತೆ ಭಾರತವೂ ಅಭಿವೃದ್ದಿಶೀಲ ರಾಷ್ಟ್ರ ವಾಗಬೇಕೆಂಬ ಕನಸು ಕಂಡವರು. ತಂದೆಯ ಪ್ರತಿರೂಪದಂತೆ ಸ್ವಾತಂತ್ರ ಚಳವಳಿಯಲ್ಲಿ ಪಾಲ್ಗೊಂಡು, ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ನಂತರ ದೇಶದ ಪ್ರಧಾನಿಯಾಗಿ 20 ಅಂಶದ ಕಾರ್ಯಕ್ರಮಗಳ ಮೂಲಕ ಗರೀಬಿ ಹಠಾವೋ ಘೋಷಣೆಯ ಮೂಲಕ ಎಲ್ಲರಿಗೂ ಸೂರು, ಬಟ್ಟೆ ಹಾಗೂ ಆಹಾರ ಸಿಗಬೇಕೆಂಬ ಉದ್ದೇಶದಿಂದ ಹಲವಾರು ದಿಟ್ಟ ಕಾಯ್ದೆಗಳನ್ನು ಜಾರಿಗೆ ತಂದರು. ತನ್ನ ಜೀವಕ್ಕೆ ಕುತ್ತು ಬರಬಹುದೆಂಬ ಶಂಕೆ ಇದ್ದರೂ ದೇಶದ ಐಕ್ಯತೆ ಮತ್ತು ಸಮಗ್ರತೆಯ ದೃಷ್ಟಿಯಿಂದ ಆಪರೇಷನ್ ಬ್ಲೂಸ್ಟಾರ್ ಪ್ರಾರಂಭಿಸಿ, ದೇಶಕ್ಕೆ ಕಂಕಟ ಪ್ರಾಯರಾದ ಉಗ್ರ ಬಿಂದ್ರೇನ್‌ವಾಲ ಅವರನ್ನು ಹತ್ಯೆಗೈದು, ಪಂಜಾಬ್ ಭಾರತದಿಂದ ಕೈತಪ್ಪದಂತೆ ನೋಡಿಕೊಂಡವರು ಇಂದಿರಾಗಾಂಧಿ. ಅವರ ದಾರಿಯಲ್ಲಿ ನಾವೆಲ್ಲರೂ ನಡೆಯಬೇಕಿದೆ ಎಂದು ತಿಳಿಸಿದರು.

ಪಕ್ಷ ಸಂಘಟನೆಯ ಉದ್ದೇಶದಿಂದ ನವೆಂಬರ್ 23 ರಂದು ತುರುವೇಕೆರೆಯಲ್ಲಿ ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರ ಸಭೆಯನ್ನು ಆಯೋಜಿಸಲಾಗಿದೆ. ಜಿಲ್ಲಾ ಉಸ್ತುವಾರಿ ಸಚಿವರ ಸೂಚನೆಯಂತೆ ಸಭೆ ನಡೆಯಲಿದೆ. ಹಾಗೆಯೇ ನವೆಂಬರ್ 24 ರಂದು ಜಿಲ್ಲಾ ಉಸ್ತುವಾರಿ ಸಚಿವ ಡಾ.ಜಿ.ಪರಮೇಶ್ವರ್ ನೇತೃತ್ವದಲ್ಲಿ ದೀಪ್ತಿ ವರ್ಗೀಸ್ ಮುಖಂಡತ್ವದಲ್ಲಿ ಮತಗಳ್ಳತನ ತಡೆಯಿರಿ, ದೇಶ ರಕ್ಷಿಸಿ ಎಂಬ ಕಾರ್ಯಕ್ರಮವನ್ನು ತುಮಕೂರಿನಲ್ಲಿ ಆಯೋಜಿಸಲಾಗಿದೆ. ಎರಡು ಕಾರ್ಯಕ್ರಮಗಳಲ್ಲಿ ಕಾಂಗ್ರೆಸ್ ಪಕ್ಷದ ಎಲ್ಲಾ ಮುಖಂಡರು ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಮನವಿ ಮಾಡಿದರು.

ತುಮಕೂರು ಜಿಲ್ಲಾ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ಇಕ್ಬಾಲ್ ಅಹಮದ್ ಮಾತನಾಡಿ, ಇಂದಿರಾ ಪ್ರಿಯದರ್ಶಿನಿ, ಪಿರೋಜ್‌ಗಾಂಧಿ ಅವರನ್ನು ಮದುವೆಯಾಗಿ ಇಂದಿರಾಗಾಂಧಿಯಾದರು. ವಿದೇಶದಲ್ಲಿ ಶಿಕ್ಷಣ ಪಡೆದು, ಅದನ್ನು ದೇಶದ ಸರ್ವತೋಮುಖ ಅಭಿವೃದ್ದಿಗೆ ಬಳಕೆ ಮಾಡಿದವರು. ಬರಗಾಲದಿಂದ ದೇಶದ ಜನರು ಹಸಿವಿನಿಂದ ನರಳುವುದನ್ನು ನೋಡಲಾರದ ವಿದೇಶಗಳಿಂದ ಕೆಂಪುಜೋಳ, ಗೋಧಿ ನುಚ್ಚು ತರಿಸಿ ನೀಡುವ ಮೂಲಕ ಬಡವರನ್ನು ಬದುಕಿಸಿದವರು. ಪಾಕಿಸ್ಥಾನದೊಂದಿಗೆ ಯುದ್ದ ಮಾಡಿ, ಹೊಸ ದೇಶ ಬಾಂಗ್ಲಾ ಹುಟ್ಟಿಗೆ ಕಾರಣರಾದರು. ಸಿಕ್ಕಿಂ ಗಲಾಟೆಯನ್ನು ನಿಭಾಯಿಸಿದ ರೀತಿ ಎಂದಿಗೂ ಮರೆಯಲು ಸಾಧ್ಯವಿಲ್ಲ ಎಂದರು.

ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಆರ್.ರಾಮಕೃಷ್ಣ, ಒಬಿಸಿ ಘಟಕದ ಹಿರಿಯ ಉಪಾಧ್ಯಕ್ಷ ಹೆಚ್.ಸಿ.ಹನುಮಂತಯ್ಯ ಮಾತನಾಡಿದರು. ಮುಖಂಡರಾದ ಷಣ್ಮುಗಪ್ಪ, ಸೌಭಾಗ್ಯಮ್ಮ, ಕೆಂಪಣ್ಣ, ಶಿವಾಜಿ ಮಾಜಿ ಶಾಸಕ ಗಂಗಹನುಮಯ್ಯ, ಬ್ಲಾಕ್‌ಕಾಂಗ್ರೆಸ್ ಅಧ್ಯಕ್ಷರುಗಳಾದ ಮಹೇಶ್, ಫೈಯಾಜ್, ಇನಾಯತ್, ಇರ್ಪಾನ್, ಕೈದಾಳ ರಮೇಶ್, ಆದಿಲ್, ಕೆಂಪರಾಜು, ಸುಕನ್ಯ, ಸುಜಾತ, ಹಿಲಾಯಿ ಸಿಕಂದರ್, ಅಂಬರೀಷ್ ಭಾಗವಹಿಸಿದ್ದರು.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular