Wednesday, November 18, 2026
Google search engine
Homeಮುಖಪುಟಸಮಾಜದಲ್ಲಿ ವಿಷಬೀಜಗಳ ಹಾವಳಿ ಹೆಚ್ಚುತ್ತಿದೆ-ಸಾಹಿತಿ ಬಿಳಿಗೆರೆ ಕೃಷ್ಣಮೂರ್ತಿ ಕಳವಳ

ಸಮಾಜದಲ್ಲಿ ವಿಷಬೀಜಗಳ ಹಾವಳಿ ಹೆಚ್ಚುತ್ತಿದೆ-ಸಾಹಿತಿ ಬಿಳಿಗೆರೆ ಕೃಷ್ಣಮೂರ್ತಿ ಕಳವಳ

ನಮ್ಮ ಸಮಾಜದಲ್ಲಿ ಒಳ್ಳೆಯದಕ್ಕಿಂತ ಹೆಚ್ಚಾಗಿ ವಿಷಬೀಜ ಬಿತ್ತುವವರ ಸಂಖ್ಯೆ ಹೆಚ್ಚಾಗಿದೆ. ಇಂತಹವರ ನಡುವೆ ನಮ್ಮತನ ಕಾಪಾಡಿಕೊಂಡು ಬೆಳೆಯಬೇಕಾಗಿದೆ ಎಂದು ಸಾಹಿತಿ ಬಿಳಿಗೆರೆ ಕೃಷ್ಣಮೂರ್ತಿ ಸಲಹೆ ನೀಡಿದರು.

ತುಮಕೂರು ನಗರದ ಜನ ಚಳವಳಿ ಕೇಂದ್ರದಲ್ಲಿ ದಾರಿಬುತ್ತಿಯ ಮೂರನೇ ವಾರ್ಷಿಕೋತ್ಸವ ಮತ್ತು ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ವಿಕಾಸ್‌ ಬರೆದಿರುವ ‘ಗಿಡದ ಹಾಡು’ ಕೃತಿಯನ್ನು ಬಿಡುಗಡೆಗೊಳಿಸಿ ಮಾತನಾಡಿದ ಅವರು, ನಾವು ಎಂತಹ ಬೀಜ ಬಿತ್ತುವೆವೋ ಅಂತಹ ಗಿಡ ಹುಟ್ಟುತ್ತದೆ, ಹಾಗೆಯೇ ನಾವು ಎಂತಹವರ ಸಹವಾಸದಲ್ಲಿ ಇರುತ್ತೇವೆಯೋ ಅಂತಹ ಗುಣ ಲಕ್ಷಣಗಳು ನಮ್ಮೊಳಗೆ ಇರುತ್ತವೆ ಎಂದು ಹೇಳಿದರು.

ಇಂದು ಬಿಡುಗಡೆಗೊಂಡ ವಿಕಾಸನ ಗಿಡದ ಹಾಡು ಕೃತಿ ಬಹು ಮಹತ್ವದ್ದು. ಇಲ್ಲಿನ ಕವಿತೆಗಳು ಎರಡು-ಮೂರು ಸಾಲುಗಳವು. ಆದರೆ, ಇವನ್ನು ನಾನು ಕಿರು ಕವನಗಳು ಎಂದು ಕರೆಯುವುದಿಲ್ಲ. ಮಾದಾರ ಚೆನ್ನಯ್ಯ, ಡೋಹಾರ ಕಕ್ಕಯ್ಯ, ಸೂಳೆ ಸಂಕವ್ವೆಯರ ವಚನಗಳೂ ಹೀಗೆ 4-5 ಸಾಲಿನವೇ. ಆದರೇ ಇವು ಮಹಾಕಾವ್ಯಗಳನ್ನು ತಲೆತಗ್ಗಿಸುವಂತೆ ಮಾಡುವಷ್ಟು ಶಕ್ತಿಯುತವಾದವು. ಇದಕ್ಕೆ ಕಾರಣ ಇವು ಸಮುದಾಯ ಪ್ರೀತಿಯನ್ನು, ಜೀವ ಪ್ರೀತಿಯನ್ನು ಬೆಳೆಸುವಂತಹ ಸಾಲುಗಳು. ಹೀಗಾಗಿಯೇ ಇವು ನಮ್ಮೊಂದಿಗೆ ಚಿರಕಾಲ ಇದ್ದು, ನಮ್ಮನ್ನು ಕುಶಿಯಿಂದ ಬದುಕುವಂತೆ ಮಾಡುತ್ತವೆ. ಅದೇ ರೀತಿಯ ಶಕ್ತಿ ವಿಕಾಸನ ಸಾಲುಗಳಿಗಿದೆ. ಆಳವಾದ ತಾತ್ವಿಕ ಚಿಂತನೆಗೆ ಹಚ್ಚುವ ಕೆಲಸವೂ ಇಲ್ಲಿದೆ. ಪ್ರಕೃತಿಯ ಜೊತೆ ಸಂಬAಧ ಇಟ್ಟುಕೊಂಡಿರುವವರು, ಜೀವ ಪ್ರೀತಿಯನ್ನು ಎದೆಯೊಳಗೆ ಹುದುಗಿಸಿಕೊಂಡಿರುವವರು ಮಾತ್ರ ಇಂತಹ ಸಾಲುಗಳನ್ನು ಬರೆಯಬಲ್ಲರು, ಜೀವಿಸಬಲ್ಲರು. ಇಂತಹ ಕೃತಿಗಳನ್ನು ಬೆಳೆಸಬೇಕು ಮತ್ತು ಉಳಿಸಿಕೊಳ್ಳಬೇಕು ಎಂದು ಹೇಳಿದರು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಕವಿ, ಕಲಾವಿದ ಗೋಮಾರದನಹಳ್ಳಿ ಮಂಜುನಾಥ್, ದಾರಿಬುತ್ತಿ ನಿರಾಡಂಬರವಾದ, ನಿರಾಕಾರವಾದ ಒಂದು ಮಾದರಿ ಬಳಗ. ನಮ್ಮನ್ನು ನಮ್ಮ ಗುರಿಯೆಡೆಗೆ ಕರೆದುಕೊಂಡು ಹೋಗುವ ದಾರಿ ಒಂದು ದೊಡ್ಡ ರೂಪಕ. ಬುದ್ಧನಂತಹವರು ತಮ್ಮ ಸಂಕಟಕ್ಕೆ ಪರಿಹಾರವನ್ನು ಹುಡುಕ ಹೊರಟಿದ್ದು ಇಂತದ್ದೇ ದಾರಿ. ಅದು ಬೌದ್ದ ಧರ್ಮದ ಉದಯಕ್ಕೆ ಕಾರಣವಾಯಿತು. ಅಂತೆಯೇ, ಪಿತೃವಾಕ್ಯ ಪರಿಪಾಲನಾರ್ಥವಾಗಿ ರಾಮ ಹುಡುಕಿಕೊಂಡು ಹೊರಟದ್ದೂ ಇಂತದ್ದೇ ದಾರಿ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಚಿಂತಕಿ ಹಾಗೂ ಹೋರಾಟಗಾರ್ತಿ ಬಾ. ಹ. ರಮಾಕುಮಾರಿ, ದಾರಿಬುತ್ತಿ ಬಳಗದ ಪ್ರತಿಯೊಬ್ಬರೂ ವಿಶಿಷ್ಟ ಪ್ರತಿಭೆಗಳು. ಪ್ರಾಥಮಿಕ ಶಾಲೆಯಿಂದ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರವರೆಗೆ ಎಲ್ಲರೂ ಈ ಬಳಗದಲ್ಲಿದ್ದಾರೆ. ಇಂತಹ ಬಳಗಗಳು ಇನ್ನೂ ಹೆಚ್ಚಬೇಕು. ಇಂದು ದಾರಿಬುತ್ತಿ ಪ್ರಶಸ್ತಿ ಸ್ವೀಕರಿಸಿರುವ ಇಂದಿರಮ್ಮನವರು ನಮ್ಮ ಜಿಲ್ಲೆಯ ಹೆಮ್ಮೆ. ದಣಿವರಿಯದೇ ಹಲವು ಚಳವಳಿಗಳಲ್ಲಿ ಇವರು ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಇಂತಹ ಬಳಗಗಳು ಒಬ್ಬರಿಗೊಬ್ಬರು ಸಹಕರಿಸುತ್ತಾ ಬೆಳೆಯಬೇಕು. ಇದೊಂದು ಅರ್ಥಪೂರ್ಣ ಕಾರ್ಯಕ್ರಮ ಎಂದರು.

ದಾರಿಬುತ್ತಿ ಪ್ರಶಸ್ತಿ ಪುರಸ್ಕೃತ ಇಂದಿರಮ್ಮ , ಜಭೀವುಲ್ಲಾ ಎಂ ಅಸದ್, ಕೆ.ಎಸ್ ಗಿರಿಜಾ, ಧನಪಾಲ ನಾಗರಾಜಪ್ಪ, ದಾರಿಬುತ್ತಿ ಬಳಗದ ಸದಸ್ಯರು, ಹಾಜರಿದ್ದರು. ರಂಗಮ್ಮ ಹೊದೇಕಲ್ ಪ್ರಾಸ್ತಾವಿP ಮಾತನಾಡಿದರು. ದಾದಪೀರ್ ಸ್ವಾಗತಿಸಿದರು, ಮೇಘನಾ ನಿರೂಪಿಸಿದರು.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular