ಕೃತಕ ಬುದ್ದಿಮತ್ತೆಯಿಂದ ವಕೀಲರ ವೃತ್ತಿಯ ಮೇಲೆ ಯಾವುದೇ ಗಂಭೀರ ಪರಿಣಾಮ ಬೀರುವುದಿಲ್ಲ ಎಂದು ಕರ್ನಾಟಕ ಹೈಕೋರ್ಟ್ ವಿಶ್ರಾಂತ ನ್ಯಾಯಮೂರ್ತಿ ಬಿ.ಎ.ಪಾಟೀಲ್ ತಿಳಿಸಿದರು.
ತುಮಕೂರು ನಗರದ ಶೆಟ್ಟಿಹಳ್ಳಿ ಮುಖ್ಯರಸ್ತೆಯಲ್ಲಿರುವ ಸುಫಿಯಾ ಕಾನೂನು ಕಾಲೇಜಿನಲ್ಲಿ ಕೃಷ್ಣ ಲೀಗಲ್ ಎಕ್ಸಲೆನ್ಸ್ ಕಾರ್ಯಕ್ರಮದಡಿ ಕಾನೂನು ವಿದ್ಯಾರ್ಥಿಗಳಿಗೆ ಬಾರ್ ಅಂಡ್ ಬೆಂಚ್ ಕುರಿತು ವಿಶೇಷ ಉಪನ್ಯಾಸ ನೀಡಿ ಅವರು ಮಾತನಾಡಿದರು.
ನ್ಯಾಯಾಂಗ ಮತ್ತು ಸೋಶಿಯಲ್ ಮೀಡಿಯಾಗೂ ಸಂಬಂಧವಿಲ್ಲ. ಸೋಷಿಯಲ್ ಮೀಡಿಯಾ, ಟಿವಿ ಚರ್ಚೆಗಳು, ಟ್ರಯಲ್‌ಗಳು ನ್ಯಾಯಾಧೀಶರ ಮೇಲೆ ಯವುದೇ ಪರಿಣಾಮ ಬೀರುವುದಿಲ್ಲ. ಕೆಲವು ನ್ಯಾಯಾಧೀಶರು ಸೋಷಿಯಲ್ ಮೀಡಿಯಾದಲ್ಲಿ ಟ್ರಯಲ್ ನಡೆಸುವ ಸುದ್ದಿ, ಚರ್ಚೆಗಳನ್ನು ನೋಡುವುದಿಲ್ಲ. ನ್ಯಾಯ ಯಾವಾಗಲೂ ನ್ಯಾಯಿಕ ಸಾಕ್ಷ್ಯಗಳ ಮೇಲೆ ನಿಂತಿದೆ ಎಂದು ತಿಳಿಸಿದರು.
ಸೂಫಿಯ ಸಂಸ್ಥೆಯ ಅಧ್ಯಕ್ಷ ಷಫೀ ಅಹಮದ್ ಮಾತನಾಡಿ, ಕಾಲೇಜನ್ನು ಅತ್ಯುತ್ತಮ ಗುಣಮಟ್ಟದ ಕಾಲೇಜಾಗಿ ರೂಪಿಸಲು ಕೃಷ್ಣ ಕಾರ್ಯಕ್ರಮ ರೂಪಿಸಲಾಗಿದೆ. ಕಾಲೇಜಿನ ವಿದ್ಯಾರ್ಥಿಗಳು ಬುದ್ಧಿವಂತರೆನಿಸಿದ್ದಾರೆ ಎಂದು ಮೆಚ್ಚುಗೆ ಸೂಚಿಸಿದರು.
ಪ್ರಾಂಶುಪಾಲ ಡಾ. ಎಸ್.ರಮೇಶ್ ಮಾತನಾಡಿ, ಕಾಲೇಜಿನಲ್ಲಿ ಹಲವು ವೈವಿಧ್ಯಮಯ ಕಾರ್ಯಕ್ರಮ ಆಯೋಜಿಸಲಾಗುತ್ತಿದೆ. ಅತ್ಯುತ್ತಮ ವಕೀಲರನ್ನು ರೂಪಿಸುವುದು ಗುರಿಯಾಗಿದೆ ಎಂದರು.
ಕಾಲೇಜಿನ ಸಿಇಒ ಮಹಮದ್ ಉಮ್ಮರ್, ಅಧ್ಯಾಪಕರಾದ ಸಿ.ಕೆ.ಮಹೇಂದ್ರ, ಓಬಯ್ಯ, ಮಮತಾ, ನರೇಶ್ ಬಾಬು, ಸೈದಾ ಜೈನತ್ ತರಣಂ, ಎಚ್ ಎಂಟಿ ಜಗದೀಶ್, ಸುಬ್ಬು ಇದ್ದರು.
