ದೇಶಾದ್ಯಂತ ಕೊವಿಡ್ ಪ್ರಕರಣಗಳ ಉಲ್ಭಣದ ನಡುವೆ ಸೌಮ್ಯ ಮತ್ತು ಲಕ್ಷಣರಹಿತ ರೋಗಿಗಳನ್ನು ಪ್ರತ್ಯೇಕವಾಗಿ ಇರಿಸುವ ಬಗ್ಗೆ ಪರಿಷ್ಕೃತ ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಿದೆ.
ಹೋಮ್ ಐಸೋಲೇಶನ್ ಮುಗಿದ ನಂತರ ಮರು ಪರೀಕ್ಷೆಯ ಅಗತ್ಯವಿಲ್ಲ. ಸೋಂಕಿತ ವ್ಯಕ್ತಿಗಳ ಲಕ್ಷಣರಹಿತ ಸಂಪರ್ಕಗಳು ಕೊವಿಡ್ ಪರೀಕ್ಷೆಗೆ ಒಳಗಾಗಬೇಕಾಗಿಲ್ಲ. ಹೋಂ ಕ್ವಾರಂಟೈನ್ ನಲ್ಲಿ ಆರೋಗ್ಯ ಮೇಲ್ವಿಚಾರಣೆ ಮಾಡುವುದಿಲ್ಲ.
ರೋಗಿಯು ಎಲ್ಲಾ ಸಮಯದಲ್ಲೂ ಮೂರು ಪದರದ ವೈದ್ಯಕೀಯ ಮಾಸ್ಕ್ ಧರಿಸಬೇಕು. ಎಂಟು ಗಂಟೆ ಬಳಕೆ ನಂತರ ಅಥವಾ ಅದಕ್ಕಿಂತ ಮುಂಚೆಯೇ ಮಾಸ್ಕ್ ಒದ್ದೆಯಾಗಿದ್ದರೆ ಮಾಸ್ಕ್ ಬಿಸಾಡಬೇಕು. ಎನ್.95 ಮಾಸ್ಕ್ ಬಳಕೆ ಕಡ್ಡಾಯ ಮಾಡಿದೆ.
ರೋಗಿಯು ಚನ್ನಾಗಿ ಗಾಳಿ ಇರುವ ಕೋಣೆಯಲ್ಲಿ ಉಳಿಯುವಂತೆ ಮಾಡಬೇಕು ಮತ್ತು ತಾಜಾ ಗಾಳಿ ಒಳಗೆ ಬರಲು ಕಿಟಕಿಗಳನ್ನು ತೆರೆದಿರಬೇಕು. ರೋಗಿಯ ಉಸಿರಾಟದ ಪ್ರಮಾಣ, ಕುಳಿತುಕೊಳ್ಳುವ ಸ್ಥಾನದಲ್ಲಿ ಉಸಿರಾಟದ ದರವನ್ನು ಸ್ವಯಂ ಮೇಲ್ವಿಚಾರಣೆ ಮಾಡಬಹುದು.
ಸೌಮ್ಯ ಮತ್ತು ಲಕ್ಷಣರಹಿತ ಕಾಯಿಲೆ ಇರುವ ರೋಗಿಗಳಿಗೆ ಮನೆಯಲ್ಲಿ ಪ್ರತ್ಯೇಕವಾಗಿ ಚಿಕಿತ್ಸೆ ನೀಡಲು ಜಿಲ್ಲಾ ಮತ್ತು ರಾಜ್ಯ ಆಡಳಿತ ಲಭ್ಯವಿರುವ ಟೆಲಿ ಸಮಾಲೋನಚೆ ವೇದಿಕೆ ಬಳಸಿಕೊಳ್ಳಬಹುದು ಎಂದು ಸಚಿವಾಲಯ ಸಲಹೆ ನೀಡಿದೆ.
ದಿನಕ್ಕೆ 4 ಬಾರಿ ಪ್ಯಾರಾಸಿಟಮಾಲ್-650 ಎಂ.ಜಿ ನೀಡಬೇಕು. ಜ್ವರ ನಿಯಂತ್ರಣಕ್ಕೆ ಬಾರದಿದ್ದರೆ ವೈದ್ಯರನ್ನು ಸಂಪರ್ಕಿಸಬೇಕು. ದಿನಕ್ಕೆ ಮೂರು ಬಾರಿ ಬೆಚ್ಚಗಿನ ನೀರಿನಲ್ಲಿ ಮುಕ್ಕಳಿಸಬೇಕು. ವೈದ್ಯಕೀಯ ಅಧಿಕಾರಿ ಸಮಾಲೋನೆಯಿಲ್ಲದೆ ಸ್ವಯಂ ಔಷಧಿ, ರಕ್ತ ಪರೀಕ್ಷೆ ಅಥವಾ ಎದೆಯ ಎಕ್ಸ್ ರೇ, ಸಿಟಿ ಸ್ಕ್ಯಾನ್ ಮಾಡಿಸಬಾರದು.
ಸ್ಟಿರಾಯ್ಡ್ ಗಳ ಅತಿಯಾದ ಬಳಕೆಗೆ ಕಡಿವಾಣ. 3 ದಿನಗಳಿಗಿಂತ ಹೆಚ್ಚು ಕಾಲ 100 ಡಿಗ್ರಿ ಎಫ್ ಗಿಂತ ಹೆಚ್ಚಿನ ಜ್ವರ ಇದ್ದರೆ ತಕ್ಷಣ ವೈದ್ಯರ ಆರೈಕೆ ಪಡೆಯಬೇಕು.
ರೋಗಿಯ ಎದೆಯಲ್ಲಿ ನಿರಂತರ ನೋವು ಅಥವಾ ಒತ್ತಡ ಕಂಡುಬಂದರೆ ಅಥವಾ ಯಾವುದೇ ಮಾನಸಿಕ ಗೊಂದಲ ಅಥವಾ ತೀವ್ರ ಆಯಾಸ ಕಂಡುಬಂದರೆ ಪ್ರತ್ಯೇಕವಾಗಿರುವ ಬಗ್ಗೆ ವೈದ್ಯರ ಸಲಹೆ ಪಡೆಯಬೇಕು ಎಂದು ಪರಿಷ್ಕೃತ ಮಾರ್ಗಸೂಚಿಯಲ್ಲಿ ಹೇಳಿದೆ.
