ರಾಜ್ಯ ಮಟ್ಟದಲ್ಲಿ ಮಾತ್ರ ಇದ್ದ ಸಂಘವು ಪ್ರಥಮ ಬಾರಿಗೆ ಜಿಲ್ಲಾ ಮಟ್ಟದಲ್ಲಿ ಘಟಕವನ್ನು ರಚಿಸಿದ್ದು, ತುಮಕೂರು ಜಿಲ್ಲಾ ಘಟಕವು ರಾಜ್ಯ ಸಂಘದ ಅಂಗ ಸಂಸ್ಥೆಯಾಗಿ ಕಾರ್ಯನಿರ್ವಹಿಸಲಿದೆ ಎಂದು ರಾಜ್ಯ ಎಸ್ಸಿ/ಎಸ್ಟಿ ಪತ್ರಿಕಾ ಸಂಪಾದಕರ ಸಂಘದ ಪ್ರಧಾನ ಕಾರ್ಯದರ್ಶಿ ಸೋಮಶೇಖರ್ ಕೆರೆಗೋಡು ತಿಳಿಸಿದರು.
ತುಮಕೂರು ನಗರದ ಪತ್ರಿಕಾಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಮುಂದಿನ ದಿನಗಳಲ್ಲಿ ಎಸ್ಸಿ-ಎಸ್ಟಿ ಪತ್ರಿಕಾ ಸಂಪಾದಕರು ಹೆಚ್ಚು ಇರುವ ಎಲ್ಲಾ ಜಿಲ್ಲೆಗಳಲ್ಲೂ ಜಿಲ್ಲಾ ಘಟಕಗಳನ್ನು ರಚಿಸಲಾಗುವುದು ಎಂದು ತಿಳಿಸಿದರು.
ರಾಜ್ಯ ಎಸ್ಸಿ/ಎಸ್ಟಿ ಪತ್ರಿಕಾ ಸಂಪಾದಕರ ಸಂಘದ ರಾಜ್ಯ ಸಂಘಟನಾ ಕಾರ್ಯದರ್ಶಿ ಟೆಲೆಕ್ಸ್ ರವಿಕುಮಾರ್ ಮಾತನಾಡಿ, ಪತ್ರಿಕಾರಂಗದಲ್ಲಿ ಸಾಮಾಜಿಕ ನ್ಯಾಯ, ಸಮಾನತೆ ಮತ್ತು ಶೋಷಿತ ಸಮುದಾಯಗಳ ಧ್ವನಿಯನ್ನು ಬಲಪಡಿಸುವ ಉದ್ದೇಶದಿಂದ ದಲಿತ ಮತ್ತು ಶೂದ್ರ ಸಮುದಾಯಗಳ ಯುವಕರು ಹೆಚ್ಚಿನ ಸಂಖ್ಯೆಯಲ್ಲಿ ಮಾಧ್ಯಮ ಕ್ಷೇತ್ರವನ್ನು ಪ್ರವೇಶಿಸಬೇಕಾಗಿದೆ. ಕೇವಲ ಜಾತಿಯ ಆಧಾರದ ಮೇಲೆ ಪತ್ರಕರ್ತರಾಗಲು ಸಾಧ್ಯವಿಲ್ಲ; ಜ್ಞಾನ, ವೃತ್ತಿ ಕೌಶಲ್ಯ ಮತ್ತು ಸಮರ್ಪಣಾ ಭಾವದೊಂದಿಗೆ ಕೆಲಸ ಮಾಡಿದಾಗ ಮಾತ್ರ ಉತ್ತಮ ಪತ್ರಕರ್ತರಾಗಿ ಹೊರಹೊಮ್ಮಲು ಸಾಧ್ಯ ಎಂದರು.
ರಾಜ್ಯ ಅಧ್ಯಕ್ಷ ಚೆಲುವರಾಜ್, ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷ ಯೋಗೀಶ್, ಚಿ.ನಿ. ಪುರುಷೋತ್ತಮ್, ಟಿ.ಇ.ರಘುರಾಮ್, ಜಗನ್ನಾಥ್ ಕಾಳೇನಹಳ್ಳಿ, ಜಯಣ್ಣ ಬೆಳೆಗೆರೆ, ಸುರೇಶ್ ಶ್ರೀವತ್ಸ, ರಾಮಚಂದ್ರಯ್ಯ, ಹಾಲ್ಕುರಿಕೆ ಮಂಜುನಾಥ್, ಡಿ.ಕುಮಾರ್, ದೇವರಾಜು, ಗೋವಿಂದರಾಜು, ಭಾನುಪ್ರಕಾಶ್, ಮಾರುತಿ ಪ್ರಸಾದ್, ಮಧು ಇಂಗದಾಳ್, ದೊಡ್ಡೇರಿ ಕಣಿಮಯ್ಯ, ಯೋಗೀಶ್ ಮೆಳೇಕಲ್ಲಹಳ್ಳಿ, ಮೈತ್ರಿ ವೆಂಕಟಾಚಲ, ಸಿದ್ದೇಶ್, ವಿನಿ, ಪೀರ್, ಶಿವಕುಮಾರ್, ಸುರೇಶ್ ಇದ್ದರು.
ತುಮಕೂರು ಜಿಲ್ಲಾ ಎಸ್ಸಿ-ಎಸ್ಟಿ ಪತ್ರಕರ್ತರ ಸಂಘದ ಗೌರವಾಧ್ಯಕ್ಷರಾಗಿ ಗಂಗಹನುಮಯ್ಯ, ಗೌರವ ಉಪಾಧ್ಯಕ್ಷರಾಗಿ ಜಯನುಡಿ ಜಯಣ್ಣ, ಪೋಷಕರಾಗಿ ಸೊಗಡು ವೆಂಕಟೇಶ್, ಮಾರುತಿ ಗಂಗಹನುಮಯ್ಯ, ಜಿಲ್ಲಾ ಅಧ್ಯಕ್ಷರಾಗಿ ಪರಮೇಶ್ ಎಚ್.ಎಸ್., ಉಪಾಧ್ಯಕ್ಷರಾಗಿ ಕಂಬಣ್ಣ, ಪ್ರಧಾನ ಕಾರ್ಯದರ್ಶಿಯಾಗಿ ರಘು ಎ.ಎನ್, ಕಾರ್ಯದರ್ಶಿ ರವಿಕುಮಾರ್ ಚಿಂಪುಗಾನಹಳ್ಳಿ, ಖಜಾಂಚಿ ಸತೀಶ್ ಹಾರೋಗೆರೆ, ಸಂಘಟನಾ ಸಂಚಾಲಕರಾಗಿ ಸುರೇಶ್ ಆಯ್ಕೆಯಾಗಿದ್ದಾರೆ.
