ಕೇರಳದಲ್ಲಿ ಶುಕ್ರವಾರ 44 ಹೊಸ ಒಮಿಕ್ರಾನ್ ಪ್ರಕರಗಳು ಪತ್ತೆಯಾಗಿದ್ದು ರಾಜ್ಯದಲ್ಲಿ ಇದುವರೆಗೆ ಪತ್ತೆಯಾದ ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ 107ಕ್ಕೆ ಏರಿದೆ.
ಎರ್ನಾಕುಲಂ ನಲ್ಲಿ 12, ಕೊಲ್ಲಂ ನಲ್ಲಿ 10, ತಿರುವನಂತಪುರಂನಲ್ಲಿ 8, ತ್ರಿಶೂರ್ ನಲ್ಲಿ 4, ಕೊಟ್ಟಾಯಂ, ಪಾಲಕ್ಕಾಡ್, ಕಣ್ಣೂರು ಮಲಪ್ಪುರಂನಲ್ಲಿ ತಲಾ 2 ಪ್ರಕರಣಗಳು ಹಾಗೂ ಅಲಪ್ಪುಳ ಮತ್ತು ಇಡುಕ್ಕಿಯಲ್ಲಿ ತಲಾ ಒಂದೊಂದು ಪ್ರಕರಣ ಕಂಡುಬಂದಿವೆ.
ಒಮಿಕ್ರಾನ್ ಸೋಂಕಿತರಲ್ಲಿ 10 ಮಂದಿ ತೀವ್ರ ಅಪಾಯದಲ್ಲಿರುವ ದೇಶಗಳಿಂದ ಬಂದಿದ್ದಾರೆ. 27 ಮಂದಿ ಕಡಿಮೆ ಸೋಂಕು ಇರುವ ದೇಶಗಳಿಂದ ಬಂದವರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಕೊಲ್ಲಂ-4, ಕೊಟ್ಟಾಯಂ-2, ತಿರುವನಂತಪುರಂ -1 ಈ ಏಳು ಮಂದಿ ಸಂಪರ್ಕದ ಮೂಲಕ ಸೋಂಕಿಗೆ ಒಳಗಾಗಿದ್ದಾರೆ. ಇದು ರಾಜ್ಯದಲ್ಲಿ ವರದಿಯಾದ ಒಟ್ಟು ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ 107ಕ್ಕೆ ಮುಟ್ಟಿದೆ.
ತೀವ್ರ ಅಪಾಯ ಎದುರಿಸುತ್ತಿರುವ ದೇಶಗಳಿಂದ ಬಂದ 41 ಜನರು ಮತ್ತು ಕಡಿಮೆ ಅಪಾಯದ ದೇಶಗಳಿಂದ ಬಂದ 52 ಜನರಲ್ಲಿ ಒಮಿಕ್ರಾನ್ ಸೋಂಕು ಪತ್ತೆಯಾಗಿದೆ. ಇವುಗಳಲ್ಲಿ 14 ಪ್ರಕರಣಗಳು ಸಂಪರ್ಕದ ಮೂಲಕ ಬಂದಿವೆ ಎಂದು ಹೇಳಲಾಗಿದೆ.
ಯುಎಇ ಇಂದ ಹಿಂದಿರುಗಿದ 29 ಜನರು ಮತ್ತು ಯುನೈಟೆಡ್ ಕಿಂಗ್ ಡಮ್ ನಿಂದ 23 ಮಂದಿಗೆ ಪರೀಕ್ಷೆ ನಡೆಸಿದ್ದು ಸೋಂಕು ಇರುವುದು ದೃಢಪಟ್ಟಿದೆ.
