ಆಡಳಿತಾರೂಢ ಕಾಂಗ್ರೆಸ್ ಪಕ್ಷ ಪಂಜಾಬ್ ನಲ್ಲಿ ಸ್ಥಳೀಯ ಮಾರಾಟ ತೆರಿಗೆ ಅಥವಾ ವ್ಯಾಟ್ ಅನ್ನು ಕಡಿತಗೊಳಿಸಿದ ನಂತರ ಪೆಟ್ರೋಲ್ ಬೆಲೆಯಲ್ಲಿ ದೇಶದಲ್ಲಿಯೇ ಅತಿದೊಡ್ಡ ಇಳಿಕೆ ಕಂಡಿದೆ. ಕೇಂದ್ರಾಡಳಿತ ಪ್ರದೇಶ ಲಡಾಕ್ ನಲ್ಲಿ ಡೀಸೆಲ್ ದರದಲ್ಲಿ ಅತಿದೊಡ್ಡ ಇಳಿಕೆಗೆ ಸಾಕ್ಷಿಯಾಗಿದೆ.
ಅಬಕಾರಿ ಸುಂಕ ಮತ್ತು ವ್ಯಾಟ್ ಕಡಿತದ ಪರಿಣಾಮವಾಗಿ ಪೆಟ್ರೋಲ್ ಬೆಲೆ ಲೀಟರ್ ಗೆ ರೂ.16.02 ಮತ್ತು ಡೀಸೆಲ್ 19.61ರಷ್ಟು ಕಡಿಮೆಯಾಗಿದೆ.
ಪಂಜಾಬ್ ಪೆಟ್ರೋಲ್ ಬೆಲೆ 16.02 ಕಡಿತಗೊಳಿಸಿ ದೇಶದಲ್ಲಿಯೇ ಮೊದಲ ಸ್ಥಾನದಲ್ಲಿದ್ದರೆ, ಲಡಾಖ್ ನಲ್ಲಿ ಲೀಟರ್ ಡೀಸೆಲ್ ಗೆ 13.43 ಇಳಿಕೆ ಮಾಡಿದ್ದರೆ, ಕರ್ನಾಟಕದಲ್ಲಿ 13.35 ರೂ ಇಳಿಕೆ ಮಾಡಿ ಮೂರನೇ ಸ್ಥಾನದಲ್ಲಿದೆ.
ಪಂಜಾಬ್ ನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಮೇಲೆ 11.27 ರೂಪಾಯಿ ವ್ಯಾಟ್ ಕಡಿತವಾಗಿದ್ದರೆ, ಮುಂದಿನ ವರ್ಷದ ಆರಂಭದಲ್ಲಿ ಚುನಾವಣೆ ನಡೆಯಲಿರುವ ಉತ್ತರ ಪ್ರದೇಶದಲ್ಲಿ 6.96 ರೂಪಾಯಿ ಕಡಿತವಾಗಿದೆ. ಗುಜರಾತ್ ನಲ್ಲಿ ವ್ಯಾಟ್ ನಲ್ಲಿ ಲೀಟರ್ ಗೆ 6.82 ರೂಪಾಯಿ ಕಡಿತಗೊಳಿಸಿದೆ. ಒಡಿಶಾದಲ್ಲಿ ಮಾರಾಟ ತೆರಿಗೆಯನ್ನು 4.55 ರೂಪಾಯಿ, ಬಿಹಾರದಲ್ಲಿ 3.21 ರೂಪಾಯಿ ಇಳಿಕೆ ಮಾಡಿದೆ.
ಅಬಕಾರಿ ಸುಂಕದಲ್ಲಿ ಲೀಟರ್ ಗೆ 10 ರೂಪಾಯಿ ವ್ಯಾಟ್ ನಲ್ಲಿ ಕಡಿತದ ಕಾರಣ ಲಡಾಖ್ ನಲ್ಲಿ ಡೀಸೆಲ್ ದರಗಳು ಲೀಟರ್ ಗೆ 9.52ರೂಪಾಯಿ ಕಡಿಮೆಯಾಘಿದೆ. ಕರ್ನಾಟಕವು 9.30ರೂಪಾಯಿ ವ್ಯಾಟ್ ಕಡಿತಗೊಳಿಸಿದೆ. ಪುದುಚೇರಿಯಲ್ಲಿ 9.02 ರೂ ಕಡಿತ ಮಾಡಿದೆ.
