ದೆಹಲಿಯ ಎಲ್ಲಾ ವ್ಯಾಪಾರಿಗಳು, ಅಂಗಡಿಗಾರರು ಮತ್ತು ಸೇವಾ ಪೂರೈಕೆದಾರರಿಗಾಗಿ ದೆಹಲಿ ಬಜಾರ್ ಎಂಬ ಹೆಸರಿನ ಆನ್ ಲೈನ್ ಪೋರ್ಟ್ಲ್ ಸ್ಥಾಪಿಸಲಾಗುವುದು ಎಂದು ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಘೋಷಿಸಿದ್ದಾರೆ.
ಪೋರ್ಟಲ್ ದೆಹಲಿಯ ತೆರಿಗೆ ಆದಾಯ, ಜಿಡಿಪಿ ಮತ್ತು ಉದ್ಯೋಗವನ್ನು ಶೀಘ್ರವಾಗಿ ಹೆಚ್ಚಿಸುತ್ತದೆ. ಮುಂದಿನ ವರ್ಷದ ಆಗಸ್ಟ್ ತಿಂಗಳಲ್ಲಿ ಇದು ಸಿದ್ದವಾಗುವ ನಿರೀಕ್ಷೆಯಿದೆ ಎಂದು ಹೇಳಿದರು.
ಪ್ರತಿ ಕೈಗಾರಿಕೋದ್ಯಮಿ, ಪ್ರತಿಯೊಬ್ಬ ಅಂಗಡಿಕಾರ, ಪ್ರತಿಯೊಬ್ಬ ಪೂರೈಕೆದಾರರು ಈ ಪೋರ್ಟಲ್ ನಲ್ಲಿ ಜಾಗವನ್ನು ಪಡೆಯುತ್ತಾರೆ. ಅಂಗಡಿಯವರು ತಮ್ಮ ಅಂಗಡಿಯಲ್ಲಿ ಲಭ್ಯವಿರುವ ಪ್ರತಿಯೊಂದು ಉತ್ಪನ್ನವನ್ನು ಈ ವೆಬ್ ಸೈಟ್ ನಲ್ಲಿ ಪ್ರದರ್ಶಿಸಲು ಸಾಧ್ಯವಾಗುತ್ತದೆ. ಇದರಿಂದ ಉತ್ಪನ್ನಗಳನ್ನು ದೆಹಲಿಯಾದ್ಯಂತ ಜನರಿಗೆ, ದೇಶ ಮತ್ತು ವಿಶ್ವಾದ್ಯಂತ ಜನರಿಗೂ ಕೊಂಡೊಯ್ಯಬಹುದು ಎಂದರು.
ಎಲ್ಲಿಯಾದರೂ ಕುಳಿತುಕೊಳ್ಳುವ ಯಾರಾದರೂ ಯಾವುದೇ ನಿರ್ದಿಷ್ಟ ಉತ್ಪನ್ನವನ್ನು ಹುಡುಕಬಹುದು ಮತ್ತು ಆ ವಸ್ತುವನ್ನ ಇರಿಸಿಕೊಂಡ ಎಲ್ಲಾ ಅಂಗಡಿಗಳು ಹುಡುಕಾಟದಲ್ಲಿ ತೋರಿಸುತ್ತವೆ. ದೆಹಲಿಯ ಎಲ್ಲಾ ಆರ್ಥಿಕ ಚಟುವಟಿಕೆಗಳು, ಉತ್ಪನ್ನಗಳು ಮತ್ತು ಸೇವೆಗಳು ಒಂದೇ ಪೋರ್ಟಲ್ ನಲ್ಲಿ ಲಭ್ಯವಿರುತ್ತವೆ ಎಂದು ಹೇಳಿದರು.
ದೆಹಲಿಯಲ್ಲಿ ಖಾನ್ ಮಾರುಕಟ್ಟೆ ಇದೆ. ಇಲ್ಲಿಯೂ ಸಹ ಖಾನ್ ಮಾರ್ಕೆಟ್ ಇರುತ್ತದೆ. ಅದರ ಎಲ್ಲಾ ಅಂಗಡಿಗಳು ಇರುತ್ತವೆ. ಲಜಪತ್ ನಗರ ಮಾರುಕಟ್ಟೆಯೂ ಇರುತ್ತದೆ. ಕಾಲೋನಿಗಳ ಒಳಗೆ ಡಿಡಿಎ ಮಾರುಕಟ್ಟೆಗಳು ಸೇರಿ ಎಲ್ಲಾ ಸಣ್ಣ ಮತ್ತು ದೊಡ್ಡ ಮಾರುಕಟ್ಟೆಗಳು ಇರುತ್ತವೆ. ನೀವು ಪೋರ್ಟಲ್ ಗೆ ಹೋಗಬಹುದು. ಅನ್ವೇಷಿಸಬಹುದು. ಶಾಪಿಂಗ್ ಮಾಡಬಹುದು ಎಂದರು.
